Dili, (Terca-Feira 18/3/2025) Sekretáriu Estadu Komunikasaun Sosial (SEKOMS) Expedito Loro Dias Ximenes abertura enkontru jerál Fundus Transferensia Públiku (FTP) 2024 no Planu ezekusaun Fundus Transferensia Públiku (FTP) 2025, enkontru ne’e organiza husi SEKOMS liuhosi Diresaun komunikasaun Nasional Desenvolmentu Média,ne’ebe realiza iha salaun enkontru Fundasaun Alola Kaikoli, Dili.
Enkontru jerál ne’e partisipa husi jerente radio Komunidade hotu husi Munisipiu sira inklui RAEOA hodi hala’o diskusaun ho Governu liuhosiSekretaria Estadu komunikasaun Sosial (SEKOMS) kona-ba atinjimentu susesu no dezafiu sira durante ne’e Radio Komunidade sira infrenta.
Iha ámbitu avaliasaun, Sekretariu Estadu komunikasaun Sosial Expedito Loro Dias Ximenes, rekomenda ba radio komunidade sira atu públika Notisia ho lingua materna hodi nune’e komunidade sira sente sai nain ba radio no komprende diak liu tan informasaun sira kona-ba progresu desenvolvimentu iha area rurál.
SEKOMS mos subliña, Radio Komunidade labele fo sai deit informasaun kona-ba notisia eventual sira maibe presiza halo kobertura klean liu kona-ba notisia sira liga ba asuntu sosial sira ne’ebe afeta ba komunidade hanesan Agrikultura, falta bee mos, kondisaun estrada no asuntu sira seluk.
Enkontru avaliasaun ne’e reprezenta Jerente radio komunidade sira hola mos oportunidade hato’o sira nia preokupasaun ba SEK
OMS liga falta ekipamentu ne’ebe sira utiliza durante ne’e iha ida idak nia Munisipiu.
Hatan ba preukupasaun hirak ne’e Sekretáriu Estadu Expedito Loro Dias Ximenes promete sei rezolve fazeadamente tuir nesesidade orsamentu SEKOMS nia ne’ebe mak iha.
Enkontru ne’e partisipa mos husi Diretor Jeral SEKOMS, Xefe Departementu no ekipa tekniku sira.
