Dili, 01 Abril 2025. Sekretária Estadu ba Komunikasaun Sosiál SECOMS liu husi Diresaun Nasional Dezenvolvimentu Média fasilita Formasaun ba ekipa produtor Informasaun Rádiu Metro FM.
Formasaun ne’e ho objetivu atu fasilita ekipa Rádiu Metro FM hodi halao knar ho di’ak bainhira atualiza notisia ba Portal Rádiu Metro FM, konfigurasaun ba Rádiu streaming no edisaun notisia.
Responsavel Formasaun, atual asesor IT SECOMS, Eligio Moniz do Rego iha introdusaun hateten formasaun ne’e, nudar faze ida atu garante produtor informasaun Radiu Metro hodi halao knar ho di’ak Transmite Informasaun liu husi Portal.
Iha fatin hanesan Diretor Dezenvolvimentu Media, Manuel de Fatima iha seremonia abertura husu ba Partisipantes sira aproveita formasaun refere hodi garante atualizasaun informasaun liu husi website Rádiu Metro FM.
Partisipantes ba Formasaun ne’e mai husi ema nain 15, kompostu nain 7 husi Rádiu Metro FM no nain 8 husi IT.
