Rádiu Comunidade Lorico Lian, nu’udar Estasaun Rádiu Komunidade ida ne’ebé harii hosi ONG Lokal inklui Renetil, Fundasaun Haburas, SAHE Institute, Yayasan HAK, FOKUPERS, Talitakum no Lalenok. Rádio Lorico nuudar organizasaun média ne’ebé independente no non-profit, lokaliza iha kapital Dili.
Rádiu komunidade Lorico lian hahú hala’o ninia tranzmisaun iha tinan 2004, ne’ebé hetan suporta mós hosi APHEDA nu’udar organizasaun ida hosi Australia. Iha tinan 2013, Rádio Lorico Lian reestrutura an hodi hetan legalidade husi Ministerio Justiça ho nia estrutura kompostu husi Konselho Fundador nain 2, Jestor 1 no Jornalista nain 3 husi feto no mane nain 3. Rádio Komunidade Lorico Lian mós hala’o enkontru dala ida iha tinan ida nian hodi ko’alia kona-ba planu estratéjia rádiu nian.
Durante periodu 2007- 2022, Rádio Komunidade Lorico Lian laiha parseiru permanente maibé Rádio Lorico Lian hetan apoio finanseiro atraves husi koperasaun serbisu ho AgensIa Internacional no ONGs hirak neebe mak halao sira nian misaun iha Timor Leste mak hanesan OXFAM Aussie, Embasade AUS, UNFPA, UNICEF, UNESCO, APHEDA, AVANSA Agriultura, CARE INTERNATIONAL, ICFJ, APJC. IOM, GTZ, IWPG Internasional, World Peace Group, Redi ba Rai, AMARC, COMECO, FONGTIL no LUTA HAMUTUK.
Organizasaun hirak neebe mak mensiona ne’e, koopera ho Rádio Komunidade Lorico Lian hodi prodús programa ho issu oioin iha formatu hanesan Rádio magizine, Rðdio dokumentario, Rádio Drama, Talk show, Anunsio públiku mo konsertu múzika.
Rádio Comunidade Lorico Lian hala’o ninia tranzmisaun hosi Tuku 14..00 lokraik to’o Tuku 21.00 kalan hahu husi Segunda – Sexta.
Hahu husi tinan 2023- ate data, Rádio Comunidade Lorico Lian hetan tulun finanseiro nuudar parseiro serbisu husi IX Governo Konstitusional antravesa husi DNDML-SECOMS .
Visaun
Mosu populasaun ida neebe mak instrúída, autónoma no iha kbi’it qualifikada rasik atu resolve sira nian problema tuir dalan ida neebe demokratiku.
Misaun
- Fó oportunidade ba Komunidade hodi artikula sira nian aspirasaun Rádio Lorico serbisu hamatuk ho entidade hotu-hotu inklui governo no ONGs hodi fo asistensia ba komunidade sira atu indentifika no atinji sira nian metas.
- Hasa’e asesu informasaun no konhesemento ba komunidade Nu’udar media independete no sen fin lukrutivu, Rádio Lorico asesu no transmite informassaun akuradu hodi reforsa kapasidade komunidade atu ativamente bele determina aspeito oioin nebee mak sira hasoru iha sira nian vida moris lorloron nian.
- Fornese programa rádio neebe mak mai husi komunidade no ba-fali komunidade Rádio Lorico fo biban no enkoraja komunidade atu dezelvolve sira nian entretenimento inovador hodi bele aumenta sira nian kapasidade nuudar sidadaun timorense neebe mak iha kultura no talentu artisticamente.
Targeto
Rádio Lorico tau-matan liu-ba populasaun nebee mak hetan limitasaun ba opportunidade no limitasaun ba kapasidade atu asesu ba informasaun hodi bele atinji sira nian objetivo. Por ijemplo hanesan feto, labarik, foin sa’e, negosiante ki’ik sira iha dalan ninin, grupu defisiente, artista bairo sira, serbisu nain sira iha loja, trabalhadores infantil no grupo marginilado sira iha kapital Dili.
