Dili, 26 Marsu 2025; Ministériu Transporte no Komunikasaun (MTK) Liuhusi Diresaun Nasional Infra Estrutura no Komunikasaun apoia Secretaria Estadu ba Komunikasaun Sosiál liu husi Diresaun Nasional Dezenvolvimentu Média hodi halo Koneksaun Internet Ba Rádiu Komunidade iha Munisipiu.
Diretor Diresaun Nasional Infra Estrutura no Komunikasaun MTK, Ambrosio M.B Amaral hato’o apoiu ne’e, hafoin hasoru malu ho Diretor Nasional Dezenvolvimentu Média DNDM-SECOMS, Manuel De Fátima ho ekipa, ne’ebe hato’o pedidu koneksaun linha internet, iha salaun enkontru Diretor DNIK Ministeriu MTK Caicoli Dili.
Diretor Ambrosio M.B Amaral hateten MTK liuhusi DNIK prontu servisu hamutuk ho SECOMS hodi Fasilita Internet ba rádiu komunidade sira hodi fasilita halo serbisu transmite informasaun ba komunidade.
Iha Enkontru husu atu serbisu hamutuk kria kondisaun ba ekipa tekniku sira hodi halo koneksaun internet ho di’ak ba rádiu komunidade sira.
Iha Fatin Hanesan Diretor DNDM, Manuel de Fátima, agradese ba apoiu MTK hodi fasilita halo Koneksaun liña Internet aa Rádiu Komunidade sira.
Iha Enkontru Diretor DNDM mos agradese apoiu MTK liuhusi Diresaun Nasional Infra Estrutura no komunikasaun hodi fasilita koneksaun Internet ba radiu Metro no Diresaun DNDM SECOMS ne’ebe oras ne’e funsiona ho di’ak.
Diretor DNDM garante ho apoiu MTK sei ajuda rádiu komunidade 21, hodi transmite informasaun ba komunidade sira liu liu progresu dezenvolvimentu iha Munisipiu, Postu Administrativu, Suku nune’e mós Transmite Informasaun Governu husi nasional ba komunidade liuhusi produsaun sira hodi garante direitu públika ba informasaun.
Iha enkontru ne’e akompaña mós husi asesor IT SECOMS, Eligio Moniz do Rego, Xefe Departementu II SECOMS, Sandra Brites no Xefe Departementu Apoiu Radiu Komunidade Julio Da Costa Bere Mali.
Fontes : METRO FM
